Entschuldigung für Probe
Mii Hals isch root und brännt
s’weiss jedä wo das kännt
das äs nüd tued bringä
wenn ich chäm go singä
Keine Kommentare Geschrieben am 18. 10. 2009.
Letschti Prob 2009
Diä Fahrt mid Autobus und Dampf
isch sicher gsii kei grossä Chrampf
und laufä isch bekanntlich gsund
drumm isch au niemer uff em Hund
d’Schtellwärchfüehrig interässant
für villi gänzlich unbekannt
Schteischtägä schtiigä das isch Gift
drumm simmer ufä mid em Lift
ä Apero i dem Gebüü
isch au für ne Bähndler nüü
vill hend gschetzt das Programm sehr
sii hend wider einisch gha Verchehr
zwar öffentlichä, doch sehr entschpannt
und dezuä nu interessant
dä mobili Teil isch jetz verbii
jetzt wemmer nur nu zämä sii
chli trinkä und dezuä nu singä
und üüs i Feriäschtimmig bringä.
Keine Kommentare Geschrieben am 30. 06. 2009.
Präsentation
Bim Militär da hed mer Battä
bi üsem Chor Vereinsgrawattä
dezue äs Hämli wo isch wiis
gletted vu de Frau mid Fliis
dezue ghört nu, tönd jetzt guet losä
au nu s’paar tunkli Sunntigshosä.
Gänd mier irgendwo äs Schtändli
chund einä mid em Übergwändli
dä einti hed ä Pulli aa
mid emä Rollchragä draa
de wo d’Grawattä nid hed gfundä
hed ä Schärpä umäbundä
är nid das locker, nid so gnau
de wo chund mid Hämli blau
dä Grawattäschpänder Robi
chund sich sicher vor we Globi
är tued öppis üs schpändierä
und mier tönds nid presäntierä
drumm seid sich jedä jetzt im Chor
bi mier chund das jetz nümmä vor.
Keine Kommentare Geschrieben am 20. 04. 2009.
Verkehr
Um richtig den Verkehr zu lenken
muss man vieles überdenken
Sicherheit ist erste Pflicht
Zone dreissig oder nicht
Übergänge für die Bahn
gehören auch noch in den Plan
Schülerweg mit neuer Spur
und auch Wege der Kultur
braucht es zweite, dritte Spur
oder einen Kreisel nur
ihn zu verzieren gibt Bedenken
die Fahrer würde es ablenken
doch für Blumen als Ersatz
wäre doch genügend Platz.
Keine Kommentare Geschrieben am 18. 02. 2009.
Summer
Churzi Hosä, bruuni Wadä
im See gönd vili jetzt go badä.
Gwitter mid ganz warmem Wind
Schuelferiä für alli Chind
verussä brötlä Fleisch und Wurscht
au d´Blüemli hend de ganz Tag Durscht.
Himbeeri abnäh und au nu Gmües
und laufä mid de bluttä Füess
Keine Kommentare Geschrieben am 18. 02. 2009.
D’Schtammbeiz
D’Schtammbeiz ja das isch ä Beiz
mid me ganz ä bsunderä Reiz
hesch du Sorgä oder Qual
nimm si mit i das Lokal
trink ä Schtangä oder Chübel
verzell am rundä Tisch das Übel
einä weiss bestimmt ä Raat
das äs wider obsi gaat.
Du bisch befriit vu diner Lascht
und mer hed dich gha als Gascht.
Keine Kommentare Geschrieben am 18. 02. 2009.
Sonne
Sonne, Lebenselixier
ohne wären wir nicht hier
Tiere und auch Pflanzen keine
nur Sand und ausgelaugte Steine.
Keine Kommentare Geschrieben am 18. 02. 2009.
Schweiz
Alpenland mit Milch und Kuh
dicht umrahmt von der EU
Schokolade, Uhren, Banken
Landeswährung ist der Franken.
Keine Kommentare Geschrieben am 18. 02. 2009.
Zaystrasse
Zayschtraas zwei bis Zayschtraas zäh
hed’s früehner überhaupt nid gäh
mer hed diä Grienschtraas scho guet kännt
doch nid schpeziell benännt
schpeter einisch asfaltiert
und hiä und da nu repariert
sii isch privat, das isch nüd nüüs
verbindet trotzdem alli üüs
Keine Kommentare Geschrieben am 18. 02. 2009.
Lanzarote
Lavasteine, schwarze, rote
prägen s’Bild von Lanzarote
Palmen, mehrere Kaktusarten
geduldig auf Bewunderer warten.
Rebenstöcke, kaum zu glauben
im Lavasand mit reifen Trauben
rundherum geschützt sie sind
mit Lavasteinen vor dem Wind.
Keine Kommentare Geschrieben am 18. 02. 2009.