Cisalpino
Uff Italia zu Meer und Vino
muesch du näh dä Cisalpino
doch mid imm uff Ferieäreis
isch en absolutä Scheiss
rächtzitig schtahsch am Gleis paraat
doch är chund zäh Minutä z‘schpaat
schtartet rassig me mer’s will
doch schtaad bim Chämiloch fascht schtill
nachhär fahrt är, sisch zum brüellä
wenn ä Bummelzug bis Flüelä
am Gotterd –Eischpur schtömmer schtill
ä Güeterzug zerscht durä will
nachhär zügig is Tessin
doch füfzäh Minutä sind dahin
am Zoll tued mer sich richtig schputä
jetzt simmer scho bi zwänzg Minutä
z’Milano achoo, machsch ä Schpurt
doch d’Aschlusszüg sind all scho furt
dä nächschti ICe i zwee Schtund
da bisch de richtig uff em Hund
ich wott mid dem nid öpper rüügä
tue s’nächscht mal aber sicher flüügä
Keine Kommentare Publiziert am 14. Dezember 2012.